Il liug

Home / Il liug

Il liug

new

Mustér ha dapi 30 onns ina gruppa da teater ch’ei fetg activa ed ha success. La gruppa ha gia vuliu realisar 2008  in  teater  el  liber.  Ils  gronds  cuosts  han  stermentau  la  «Gruppa  da  teater  Mustér»  ed  il  project ei setschentaus en truchet. Ussa ei l’idea vegnida dilreschissur ed actur indigen René Schnoz. El vul inscenar in teater en sia vischnaunca burgheisa.

Per il toc «La stria da Dentervals» drova ei in liug ch’ei buca tartignaus entras baghetgs moderns ed ei tuttina bein contonschibels. In da quels loghens ei Sontga Gada cun la pli veglia caplutta dalla vischnaunca e nua che la via romana menava en direcziun pass dil Lucmagn. In pèr clavaus, la caplutta da Sontga Gada, praus ed in pèr plontas fuorman igl ambient en il qual la historia ch’ei 400 onns veglia vegn presentada allas aspectaturas ed als aspectaturs. Sontga Gada ei in liug nua ch’ins sa guder la biala natira, in liug nua ch’ins sesenta bein e stat bugen. Sontga Gada ei per beinenqualin in liug da forza.

Era sche Sontga Gada ei ordeifer il vitg contonschan ins il quel cun ina cuorta spassegiada. Quella dat la caschun  da  sepreparar  mentalmein  sil  temps  dalla  persecuziun da strias.